مقالتي الأولى

يوم الاثنين الماضي الموافق 28/5/2007 صدر عدد جريدة الكرامة رقم 83والذي حمل
بين طياته صفحة اسمها فضفضة
رقمها بين الصفحات 22 ورقمها في قلبي (1) لأنها حملت مقالتي الأولى
الحدوتة دي طويلة
تبدأ لما اتعرفت على الأستاذ حمدين صباحي في أحد المؤتمرات بنقابة الصحفيين
وزيي زي غيري باحب حمدين صباحي وباعتبره أحد نماذج جيل السبعينات اللي عرفوا يكونوا قدوة ويحققوا نجاحات في مجالات عديدة
ويكونوا _ وخاصة حمدين صباحي ورفاقه المقربين - نموذج للثبات على المبدأ
طبعا كنت سعيدة جدا وبتوالي اللقاءات طلب مني الأستاذ حمدين أني أحرر صفحة بالكرامة ....... معقول؟؟؟؟
حاجه تفرح ومسئولية تقلق
في اليوم ده كنت مع صديقي العزيز محمد الأقطش قال لي وماله وتقدري تتعاوني مع ... و... وكمان ممكن... تشجيع جميل
وفعلاً توكلت على الله
طبعا فيه ناس ساعدتني وشجعتني كتير والدي ووالدتي والروائي الرقيق سعيد نوح اللي قال لي الصحافة مش صعبة دي لعبة يا ريتك تلعبيها
وأحمد الأقطش الموهوب اللي وافق انه يكتب وحصلت غلطة فظيعة واسمه ما نزلش على مقالاته
د / أحمد عبد العظيم اللي ادى لي حلقات مسلسلة باسم الملك والسبعين قرد وهو بيسأل : هينزلوها مش هيخافوا؟؟؟
وهنا أرجع تاني للنموذج حمدين صباحي... مقالة د أحمد اتنشرت رغم ان فيه جريدة تانية مشهورةبان لسانها طويل خافت تنزلها
هنا نعرف قيمة الشخص اللي بنتعامل معاه ونقدر مدى مسئوليته وصدقه في تصريحاته
التجربة جميلة وممتعة وانهمرت التليفونات علي عشان التهنئة
من أجمل الحاجات اللي حصلت بعد نشر الصفحة حاجتين احب أذكرهم
أولا تعليق عمنا أحمد فؤاد نجم على كتابتي لما قال انتي رائعة كنت مخبية ده فين؟
والحاجة التانية واللي بجد فاجئتني واسعدتني ان القاص والشاعر والناشط محمد الأقطش سيقوم بالكتابة للصفحة
بجد حسيت بسعادة غامرة لما عرفت وحسيت اني ماشية صح
عموما عشان تقرا المقالة ادخل على الرابط ده

http://www.elkarama.net/images/83.zip
بدر العبيدي